Во Тетово ситуацијата е посебно драматична – се отвораат нови одделенија, а од тамошната болница прогнозираат дека врвот на заразата таму се уште не е достигнат
Повеќе од петстотини пациенти со ковид се хоспитализирани во болниците низ државата – бројка неколкукратно поголема од истиот овој период лани. Од денеска во функција се модуларната болница на Инфективна, како и капацитетите на ГОБ „8 Септември“.
Од Министерството за здравство велат дека има слободни места за нови пациенти, а ако е потребно капацитетите и дополнително ќе се прошират.
Во моментов хоспитализирани се вкупно 540 лица во сите ковид- центри во државата. На инфективното одделение во Тетово има 104 пациенти, а во Гостивар 81. Пациентите од ковид -центрите во Тетово и во Гостивар се примаат на Инфективната клиника во Скопје и во болницата во Лешок.
Во Тетово ситуацијата е драматична – се отвораат нови одделенија за прием на заболени, а од тамошната болница прогнозираат дека врвот на заразата таму се уште не е достигнат.
Во последните 24 часа има 14 нови пациенти поради што е отворен и одделот за нервни болести. Вчера во тетовската болница за преглед имало 224 пациенти.