Од скопските општини, опозициската партија засега ги утврди само кандидатурите на Котлар за Центар, на Георгиевски во Кисела Вода и на Стевковски во Гази Баба, додека двајца од тројцата актуелни опозициски градоначалници во околината на главниот град добија шанса за нов мандат, освен долгогодишниот градоначалник на Илинден
Околу 25 кандидати за градоначалници од редовите на ВМРО-ДПМНЕ објави денеска партискиот потпретседател Александар Николоски, главно во единиците на локалната самоуправа во и околу градот Скопје и во третата и во четвртата изборна единица за парламентарни избори.
Од трите општини во околината на Скопје, каде што ВМРО-ДПМНЕ има градоначалници, шанса за нов мандат добија градоначалниците на Сопиште и на Петровец, додека во Илинден партијата оди со друго име наместо Жика Стојановски.
Николоски најави дека во следните денови ќе биде објавена „нова серија на кандиадти за други општини“.
На списокот што го објави Николоски нема кандидат за скопски градоначалник, за што тој рече дека се прават дополнителни консултации, ама не потврди дека фаворит е претседателката на ССК, Данела Арсовска.
Не се утврдени се уште кандиадти ниту дел од поголемите општини, како Куманово, Битола, Охрид, а ниту за Кавадарци – единствената урбана општина во која ВМРО-ДПМНЕ однесе победа во 2017 година.
Николоски рече дека меѓу кандидатите на ВМРО-ДПМНЕ доминираат млади и перспективни лица, наспроти, како што забележа, СДСМ кој нудел стари и истрошени кадри. Рече и дека ВМРО-ДПМНЕ, во дел од општините, ќе оди со истакнати имиња на кандидати кои не се од партијата.
Кои се кандидатите што ВМРО-ДПМНЕ ги соопшти денеска
Наташа Котлар (од ИНИ и од партијата Глас за Македонија) – Центар
Орце Георгиевски (организациски секретар на ВМРО-ДПМНЕ) – Кисела Вода
Бобан Стевковски (од МТСП) – Гази Баба
Стевче Трпков (актуелен градоначалник) – Сопиште
Љупчо Папазов – Кочани
Борче Митевски (актуелен градоначалник) – Петровец
Александар Георгиевски (од МТСП) – Илинден
Иван Јорданов (пратеник) – Штип
Марко Колев – Велес
Александар Ристов – Радовиш
Златко Ристов – Конче
Ристо Манчев – Босилово
Тони Узунов – Валандово
Маријан Пееев – Богданци
Филип Дончовски – Дојран
Андон Сарамандов – Гевгелија
Горан Стојанов (лекар) – Неготино
Андон Донев (педагог) – Демир Капија
Тихомир Николов – Росоман
Борче Јовчески (лекар-ортопед) – Прилеп
Александар Богдановски (претседавач на Совет на општина) – Кривогаштани
Драганчо Соботковски – Могила
Стевче Стевановски – Новаци
Спасе Кочовски – Вевчани
Јовица Илиевски (здравствен работник) – Брвеница
Димитар Костадиновски – Јагуновце