На денешната конференцијата „По Охрид“, по повод 20 години од потпишувањето на Рамковниот договор, свое видеообраќање имаше и поранешниот висок претставник на ЕУ, Хавиер Солана.
„Имавте многу тешкотии на вашето патување. Имавте тешкотии во врска со вашето име, кои беа решени. Имавте проблеми со вашиот јазик, кои исто така се решија и по договорот со НАТО сигурен сум дека многу скоро ќе имате можност да започнете формални разговори со Европската Унија“,
рече Солана на почетокот на своето обраќање преку видеоврска.
„Ми претставува задоволство што имам можност со вас да прославам 20-годишнина од Охридскиот рамковен договор“
изјави Солана.
Додаде дека договор имал голема значење многу за С Македонија и македонскиот народ, но, исто така, рече дека бил многу важен и за него, бидејќи тоа било почетокот на едно патешествие на соработка помеѓу различни народи од земјата.
„Секогаш ќе останам многу добар пријател на вашата земја и, доколку некогаш ви треба нешто од пријател, воопшто не двоумете се да ме контактирате. Ви посакувам многу среќа Северна Македонија“,
порача Солана на крајот од своето видеообраќање.