Македонските национални интереси не се штитат со бегање, туку со решавање на проблемите, реагираат од СДСМ откако опозицијата најави целосно отсуство на утрешниот централен настан во хотел во Скопје
Никој од ВМРО-ДПМНЕ, вклучително со лидерот Христијан Мицкоски, како што најавија од партијата, нема да присуствува на утрешниот централен настап по повод 20-годишнината од Рамковниот договор.
Според оценката на ВМРО-ДПМНЕ, прославата за Рамковниот договор, наместо државна агенда, станала партиско политичка промоција.
„Ако вистински се грижеа за духот на Рамковниот договор, тогаш парите од прославата ќе беше попаметно да се пренаменат за реконструкција на училиштата во Тетовско, Гостиварско, кКумановско или за решавање на проблемот со вода за пиење во Тетово. А, секако најдобро ќе се искористеа и за сервисирање на канадерите за гасење на пожар“,
велат од ВМРО-ДПМНЕ.
Според опозициската партија, власта треба да одговори дали одложувањето на мерките заради прославата не значи доказ за целосно политизирање на процесот и воедно, како што се посочува, за лажната грижа за здравјето на граѓаните.
„Оттука, ВМРО-ДПМНЕ ниту претседателот Мицкоски нема да учествува во таквиот декор. Нема потреба од партиска предизборна парада во услови на тешка економска и здравствена криза. Рамковниот договор е завршена работа. Парите можеше да се искористат за многу други цели“,
велат од ВМРО-ДПМНЕ.
Во почетокот на месецот, ВМРО-ДПМНЕ одби да присуствува и на централната манифестација за Илинден во Крушево, која првпат годинава, во организација на претседателот Стево Пендаровски, се одржа во поинаков стил од сите години претходно.
По најавите од ВМРО-ДПМНЕ дека и овој јубилејќе помине без опозицијата од СДСМ реагираат дека „бегањето од одбележување на 20 годишнината од Рамковниот договор е тешко политичко лицемерие кое потврдува дека ВМРО-ДПМНЕ се уште е заглавена во поделбите по етнички линии“.
Жалиме што и после 20 години безидејните политичари како Христијан Мицкоски се уште се обидуваат својата политичка егзистенција да ја остваруват преку сеење поделба меѓу граѓаните. ВМРО-ДПМНЕ не може да избега од сопствениот учинок во црните страни на нашата понова историја. Воениот конфликт во 2001 се случи за време на владеењето на ВМРО-ДПМНЕ, кога бегалецот и осуден криминал Никола Груевски беше министер за финансии.
се наведува во реакцијата на СДСМ.
Охридскиот рамковен договор, како документ кој донесе прекин на воените дејствија, е потпишан и од ВМРО-ДПМНЕ. Македонските национални интереси не се штитат со бегање, туку со решавање на проблемите“,