Слободен печат дознава дека Основното јавно обвинителство Тетово во текот на вчерашниот ден оформи предмет по допрен глас со цел да се проверат наводите во објава на социјалните мрежи за евентуално сторено кривично дело
Младоженецот и невестата од Тетово кои организираа свадба иако на ковид тестовите што ги купиле во аптека и ги направиле дома биле позитивни можно е да одговараат за кривично дело пренесување заразна болест од член 205 или непостапување според здравствените прописи за време на епидемија од член 206 од Кривичниот законик.
Слободен печат дознава дека Основното јавно обвинителство Тетово во текот на вчерашниот ден оформи предмет по допрен глас со цел да се проверат наводите во објава на социјалните мрежи за евентуално сторено кривично дело.
Овој случај предизвика жестоки реакции во јаноста кои беа на сметка и на младенците, кои н веселбата заразиле дел од гостите кои завршиле во болница, како и кон здравствените власти, бидејќи според споделената информација, тие пред свадбата дури биле во болница за да примат инфузија „за освежување“, по што заминале на веселбата.
По веселбата со цела фамилија заминале на одмор во Албанија.
Надлежен јавен обвинител, кко што пишува весникот, веднаш издал наредба со која од СВР Тетово побара да оформи тим за испитување на сите околности на настанот, да прибави докази и други податоци и да ги пронајде и да го утврди идентитетот на евентуалните сторители на наведените кривични дела.
Преку СВР Тетово упатено е барање до Ковид центарот во Тетово за достава на податоци поврзани со настанот, а за утврдување на фактите во предметот ќе бидат побарани податоци и од Министерството за здравство и од Државниот санитарен и здравствен инспекторат.