Две лица, кои биле машиновозачи во возовите, се повредени при денешниот судир на два воза во близина на хрватскиот град Крижевци
Судирот се случил кај селото Мајурац кај Крижевци, утрово околу 5 часот. Повредените се пренесени во болница, а сериозноста на повредите сѐ уште не е позната, изјави портпаролката на полицијата Ивана Шеничјак за index.hr.
Полицијата, пожарникарите и брзата помош се на терен.
Како што соопштиле надлежните за index.hr, двата воза се движеле од правец од Крижевци кон Копривница и во нив биле само машиновозачите.
Prigorski.hr од луѓе на местото на настанот дознава дека најверојатно еден товарен воз останал расипан на пругата, а потоа другиот налетал на него. Од полицијата не сакале да ги потврдат овие наводи пред да заврши истрагата.