Во последните неколку години беше дел од малите ТВ-екрани. Играше во ТВ-сериите „Фамилијата Марковски“, „Сулејман Величествениот“, „Зоки Поки“
Познатата актерка Сабина Ајрула-Тозија почина денеска. Имаше 75 години.
Беше препознатлива по својата појава, извонредниот талент, но и трудот што го вложуваше во секоја улога. Во своето долгогодишно искуство соработувала со повеќето реномирани македонски и странски режисери. Нејзината посветеност кон актерската креација се препознава и во улогите на театарските сцени и на филмското платно и пред телевизиските екрани. Без разлика дали станува збор за улога во детска претстава, на целовечерна претстава, некое гостување, или филмска и/или телевизиска ролја, Сабина Ајрула создава на ист начин – искрен, внимателен, посветен, едноставно човечки топол и непосреден, пишува порталот „Умно“.
Во последните неколку години беше дел од малите ТВ-екрани. Играше во ТВ-сериите „Фамилијата Марковски“, „Сулејман Величествениот“, „Зоки Поки“.
За своите актерски креации наградена е неколку пати.
Како што пишува „Умно“, во почетокот на годинава, Сабина Ајрула-Тозија имаше мозочен удар.