Првично беше планирано тоа да се случи на 7 септември годинава, но зголемениот број заразени со делта сојот го одложи тоа за следната година
Технолошкиот гигант „Амазон“ го одложи враќањето на вработените во канцеларии до почетокот на следната година поради наглиот пораст на бројот на заразени со делта сојот на коронавируотс.
Првично беше планирано вработените во овој гигант за е-трговија во неколку земји, вклучувајќи ги и САД, да започнат да се враќаат во канцелариите од 7 септември оваа година, но тој датум сега е преместен на 3 јануари 2022 година, соопштија од „Амазон“.
Кога ќе се вратат на работа, вработените ќе мора да носат маски во канцеларијата, освен ако не покажат потврда дека се вакцинирани, додаваат од компанијата.