Американската амбасадорка во земјава, Кејт Мари Брнз, денеска се сретнала со лидерот на ВМРО-ДПМНЕ, Христијан Мицкоски, за да го брифира за извршната наредба на претседателот на САД, Џо Бајден, за Западен Балкан.
Информацијата за средбата на Твитер ја сподели Брнз.
Met with VMRO-DPMNE President @MickoskiHM today to brief him on the new Executive Order for the Western Balkans.
— Ambassador Kate Byrnes (@USAmbNMacedonia) July 22, 2021
Со наредбата на Бајден, се прошири опфатот на лицата од Западен Балкан кои ќе бидат ставени на црната листа на САД и ќе им се забрани влез, а ќе им се замрзне и сиот имот и пари кои ги поседуваат во САД односно истите нема да може да бидат пренесени, платени, извезувани, повлечени.На листата, како што е познато, треба да се најдат лицата кои не го почитуваат Преспанскиот и Охридскиот договор, како и оние кои се вклучени во корупција односно ги поткопуваат демократските процеси или институции на Западен Балкан.