Поранешниот американски претседател вели дека никогаш не размислувал за помош од армијата за да остане на власт по неговиот пораз на претседателските избори во 2020 година, се наведува во вчерашното соопштение што го објави неговиот кабинет.
„Многу луѓе рекоа дека треба да ја активираме војската, јас никогаш не размислував за тоа. Значи, немаше пуч или разговор за такво нешто. Сето тоа е глупост од лажни писатели на вести и од еден генерал, кој нема поим за тоа“,
се посочува во соопштението.
Си-Ен-Ен објави извадоци од новинари на Вашингтон пост под наслов „Јас можам сам да поправам: Катастрофалната последна година на Доналд Tрамп“ во која се тврди дека американски генерали, вклучително и претседателот на Советот на началници на вооружените сили на САД, Марк Мили, разговарале за можноста да поднесат оставка ако Трамп, кој во тоа време се уште беше претседател, започне да дава опасни или незаконски наредби , како на пример да се подготви за државен удар во земјата.