Австралија денеска го регистрираше првиот смртен случај како последица од ковид-19 во оваа година. Исто така, забележани се и 77 случаи на новозаразени во државата Нов Јужен Велс која се бори се позаразната делта-варијанта на коронавирусот, јавува „Ројтерс“.
Премиерката на Нов Јужен Велс, Гледис Берејиклијан, изјавила дека очекува бројките на нови случаи да растат, особено во најголемиот град, Сиднеј, и за неа ќе биде изненадување ако не биде така.
„Ќе се шокирам ако утре има помалку од 100 нови случаи“,
изјавила премиерката.
Денешните 77 новозаразени се рекордни за оваа година. Претходниот рекорд за 2021 беше забележан вчера кога имаше 50 случаи.