Eкспертите велат дека е најсилниот во овој регион во последните две децении
Земјотрес со јачина од 5,9 степени според Рихтеровата скала вчера попладне ја погоди областа помеѓу американските сојузни држави Калифорнија и Невада, за кој експертите велат дека е најсилниот во овој регион во последните две децении.
Очевидци на социјалните мрежи поставуваат фотографии и видеа на кои се гледаат огромни одрони како паѓаат покрај автопатот. Од лизгањето на земјиштето сериозно се оштетени неколку возила, но за среќа нема повредени.
Check out this video sent to KCRA 3 after a rockslide on Highway 395 near Coleville!
— kcranews (@kcranews) July 9, 2021
Several earthquakes rattled Northern California within minutes of each other Thursday afternoon, according to the United States Geological Survey.
See more >> https://t.co/aCYGAf44Iz pic.twitter.com/pMLnclafKf
Земјотресот, чиј епицентар е јужно од езерото Тахо во Калифорнија, предизвика низа последователни земјотреси, од кои најмалку еден беше со јачина од 4,6 степени според Рихтеровата скала.
„Ова е најсилниот земјотрес што го погоди регионот во последните две децении. Имаше нешто повеќе од 5,9 степени по Рихтер“,
изјави Греем Кент, директор на сеизмичката лабораторија на Универзитетот во Калифорнија, за Ју-ес-еј тудеј.
Првично, се пријавени два земјотреса, но подоцна е потврдено дека се работи само за еден, кој е почувствуван во двете соседни сојузни држави, на населени локации и до 160 километри од епицентарот.
Boulders everywhere after earthquake on i395 #earthquake #california #roadtrip pic.twitter.com/Bdw4he17ni
— Brett Durrant (@brettdurrant) July 9, 2021