Мицкоски на средба со генералниот секретар на ЕПП: Битка за Скопје по „рецепт“ од Мадрид

Шпанската народна партија победи во Мадрид на локалните избори и разговаравме за идна соработка на престојните локалните избори во Македонија, вели лидерот на ВМРО-ДПМНЕ

За поддршка за локалните избори, поточно за Скопје, разговарале на денешната средба во Брисел лидерот на ВМРО-ДПМНЕ Христијан Мицкоски и генералниот секретар на Европската народна партија Антонио Лопез-Истуриз, кој е и пратеник во Европскиот парламент. 

Како што нагласи Мицкоски на Фејсбук, Лопез-Истуриз е меѓу најблиските соработници на претседателот на Шпанската народна партија, сестринска партија на ВМРО-ДПМНЕ, која победи во Мадрид на локалните избори во Шпанија.

„Шпанската народна партија победи во Мадрид на локалните избори и разговаравме за идна соработка на престојните локалните избори во Македонија. Заеднички да соработуваме и да славиме победа во нашето Скопје! 
Ја имаме поддршката и знаењето. Со целото срце и сила за победа над застојот, стагнациите, блокадите“,

напиша Мицкоски на Фејсбук.

Тој е во дводневна посета на Брисел, каде што е придружуван од пратениците и партиски функционери Тимчо Муцунски и Александар Николоски, за да учествуваат на настан организиран од ЕПП.

Мицкоски на средби во Брисел бара поддршка за продолжување на патот кон ЕУ