Претседателот на ВМРО-ДПМНЕ, Христијан Мицкоски, денеска со партиска делегација патува за Брисел каде што ќе учествуваат на парламентарното собрание на Европската народна партија (ЕПП). Во делегацијата со него се и партискиот потпретседател Александар Николоски и секретарот за меѓународна соработка и пратеник Тимчо Муцунски.
„Се очекуваат и билатерални средби со повеќе политичари и носители на процесите важни за стратешките интереси на земјава и регионот, врзани со европските интеграции. Посетата доаѓа во време кога државата предводена од Заев доживува уште една блокада на патот кон ЕУ, како и фактот што Европската Унија има и забелешки за криминалот на Владата и недостатокот на владеење на правото“,
велат од ВМРО-ДПМНЕ најавувајќи го патувањето.
Тројцата ќе престојуваат во Брисел наредните два дена.