Камионот бил запрен синоќа околу 23:30 часот на автопатот А-1, кај тунели Јаворица, од полициски службеници од Полициската станица за Граничен надзор и Граничен премин Богородица, заедно со полициски службеници од Словенија
Двајца српски државјани синоќа пред полноќ се приведени, откако при полициска контрола во кмионот се пронајдени 62 миграанти.
Камионот бил запрен синоќа околу 23:30 часот на автопатот А-1, кај тунели Јаворица, од полициски службеници од Полициската станица за Граничен надзор и Граничен премин Богородица, заедно со полициски службеници од Словенија.
„При контрола на товарно возило со српски национални ознаки се пронајдени 62 лица мигранти. Возачот и совозачот од возилото биле приведени во Полициската станица Гевгелија за понатамошна постапка, а по целосно документирање на случајот против нив ќе биде поднесен соодветен поднесок“,
соопштија од МВР.
Лишени од слобода се Х.Ф.(33) и М.Ф.(37), за кои постои сомнение дека сториле кривично дело по чл.418 од Кривичниот законик.
Мигрантите се сместени во Прифатниот транзитен центар Винојуг – Гевгелија за понатамошна постапка.