Борбата против корупцијата е во фокусот на нашето партнерство: Амбасадата на САД го поздрави донесувањето на антикорупциската стратегија

Вистинскиот напредок ќе се мери со успешно спроведување на стратегијата, велат од Амбасадата по вчерашното гласање во Собранието

Амбасадата на САД во Скопје го поздрави усвојувањето на Националната стратегија за спречување на корупција и конфликт на интереси за периодот 2021-2025 година.

„Ова е важен чекор, но вистинскиот напредок ќе се мери со успешното спроведување на стратегијата. Борбата против корупцијата и зајакнувањето на владеењето на правото се клучни за Северна Македонија и се главен фокус на нашето стратегиско партнерство“,

се наведува во објавата на американската амбасадата.

Стратегијата беше донесена вчера, во рамки на 32. собраниска седница, на која не присуствуваше опозицијата, а кворумот го обезбедија двајцата пратеници од мнозинството, кои излегоа од изолација и дојдоа во парламентот во скафандери.

„Не сум јас тој што тера инает“: Џафери објасни зошто инсистирал да се затвори 32. седница пред да се гласа за мерките

Расправата за петгодишната стратегија почна минатиот понеделник и траеше три дена, при што опозицијата најави поддршка истакнувајќи дека овој документ е важен за евроинтеграциите, но изрази сомнеж во капацитетот на власта за негово спроведување.

Почна собраниската расправа за петгодишната стратегија за антикорупција – опозицијата најави поддршка

Како главни цели на Стратегијата се посочени:

• Зголемување на нивото на политичка одговорност и демонстрираа волја за борба против корупцијата
• Совесно управување со политичкото влијание во јавниот сектор и спречување на политичко влијан ие во работата на независните тела и во постапките регулирани со закон
• Јакнење на интегритетот и отчетноста во јавниот сектор
• Спроведување на надлежностите во јавниот сектор на законите, транспарентен, етички, економичен, одговорен и ефективен начин
• Обезбедување интегритет и транспарентност при вработувањето и политиките за човечки ресурси во јавниот сектор, базирано на систем на вредности и критериуми за квалитет
• Јакнење на надзорните и контролните механизми
• Дигитализација во јавните служби
• Намалување на корупцијата во јавните набавки и во процесот на доделување на грантови, субвенции и друга државна помош
• Зајакнување на капацитетите и на посветеноста на органите за спроведување на закон, на обвинителството и судството во откривањето и санкционирање на корупцијата, како и јакнење на отпорноста на корупција во нивните редови
• Поддржување на транспарентноста и интегритетот во приватниот сектор
• Подигнување на јавната свест и спроведување на антикорупциска едукација
• Вклучување на граѓанското општество и медиумите во борбата со корупцијата во општеството и градење на личен и професионален интегритет.