Тој не сака да ја коментира аферата со издавањето пасоши со туѓи идентитети, бидејќи се работи за случај во истрага, но е дециден дека е прерано за коментари дека тоа го загрозува безвизниот режим на земјава
Напорите двојно да се зголемат и да се направи обид да се решат билатералните прашања со Бугрија, за да се одблокира целиот процес на преговори, а во меѓувреме да се родолжи со реформите.
Ова е ставот евроамбасадорот Дејвид Гир, во неделното интервју на Радио Слободна Европа.
На прашањето, како да се дојде до решение ако бугарските власти инсистираат на идентитетски пршања како корените и јазикот, Гир вели дека во одговорот на ова прашање се тргнува од фактот дека за начинот на којшто Европскиот совет, а тоа е едногласност во одлуки како што е преговарачката рамка.
„Јас можам да разберам дека одлагањето кое го гледаат луѓето е фрустрирачко. Луѓето сакаат да се оди напред во пристапниот пат. Но, да се оди напред во ситуации како оваа, да ви одговорам на прашањето, е двојно да се зголемат напорите за да се постигне договор. Така што ние многу се надеваме дека Северна Македонија и Бугарија ќе продолжат конструктивно да се ангажираат со цел да постигнат решение врз основа на заеднички договор и на тој начин пристапните преговори ќе може да одат напред“,
вели евроамбасадорот во интервјуто.
Тој не сака да ја коментира аферата со издавањето пасоши со туѓи идентитети, бидејќи се работи за случај во истрага, но е дециден дека е прерано за коментари дека тоа го загрозува безвизниот режим на земјава.
„Јас видов разговори за безвизниот режим. Точно е дека безбедноста на документите е важен репер во набљудувањето на спроведувањето на безвизниот режим. Но, мислам дека е комплетно прерано да почне да се зборува дали ќе има или не влијание врз безвизниот режим. Ако имате наводи за безбедноста на документи важно е како државата се справува со тоа, како судскиот систем ќе управува и доколку има погрешното постапување да се справи со тоа. Ако има дупки тие да се затворени. Мислам дека тоа е случајот, а не безвизниот режим“,
вели Гир.
Тој е дециден дека ЕУ никогаш не ја напуштила агендата за Западен Балкан и дека тој останува врвен приоритет, за што ја посочува посебната дискусија за европската перспектива на регионот што треба да се одржи утре во Луксембург.