Шпанскиот Закон за историско сеќавање од 2007 година предвидува отстранување на сите симболи поврзани со режимот на Франсиско Франко
Последната статуа на поранешниот шпански диктатор Франсиско Франко е отстранета вчера од градските порти на Малиља, шпанската енклава во Мароко.
Работници со багери и тешка механизација ја урнаа и платформата на која стоеше споменикот.
Статуата, која беше поставена три години по смртта на Франко (1892-1975), ја истакнуваше неговата улога како командант на Шпанската легија во Римската војна – конфликтот меѓу Шпанија и Франција со племињата Бербери во Мароко во 20-тите години на минатиот век.
„Ова е историски ден за Малиља“,
истакна Елена Фернандес Тревино, задолжена за образование и култура во енклавата, каде што локалното собрание го изгласа отстранувањето на споменикот и додаде дека тоа е единствената статуа посветена на диктаторот, која сѐ уште се наоѓа на јавен простор.
Крајно десничарската партија Вокс гласала против таквиот потег, тврдејќи дека статуата ја славела воената улога на Франко, а не неговата диктатура.
Шпанскиот Закон за историско сеќавање од 2007 година предвидува отстранување на сите симболи поврзани со режимот на Франсиско Франко.