Досега вкупно 1 040 здравствени работници во земјава ја примиле првата доза од вакцината против ковид-19.
Кај мал број од нив имало реакции по вакцината како болки на местото каде што таа е аплицирана и благо зголемена телесна температура, информираа за МИА од Министерството за здравство.
„Сите вакцини се безбедни и развиени на сигурни платформи. Преку веб-страницата vakcinacija.mk реализирани се 63 075 пријави од граѓаните со искажување на интерес за вакцинација“,
посочија од Министерството за здравство.
Имунизацијата се одвива во модуларната болница на Инфективната клиника во Скопје, а се врши со 4 680 од предвидените 8 000 дози вакцини од производителот „Фајзер“, кои Србија ѝ ги отстапи на земјава.