ВМРО-ДПМНЕ пак критикува за пописот: Заводот за статистика е во клинч сам со себе

Опозициската партија реагира за неусогласеност меѓу првите луѓе на Заводот за статистика

ВМРО-ДПМНЕ обвини за дезориентираност на власта, поради тоа што, како што велат од опозициската партија, премиерот Зоран Заев не може да го усогласи директорот со заменик-директорот на Државниот завод за статистика, а не, пак, да го попише населението.

„Од авион се гледа дека пописот се турка аматерски и поради политички причини. Самата институција – Државниот завод за статистика е во клинч сама со себе. Директорот на Статистика со спротивен став во однос на заменик-директорот, кои имаат различно мислење за попишување на дијаспората и нивните верски чувства. Едниот вели ќе се диктираат од страна на роднините, другиот вели тоа не е можно“,

се наведува во реакција на ВМРО-ДПМНЕ.

Селами: Грешно е тврдењето дека етничката и верска припадност на печалбарите не може да ја кажат роднините

Од ВМРО-ДПМНЕ прашуваат „како очекува Заев граѓаните да веруваат во пописот, кога институциите со кои управуваат негови кадри не се усогласени“?

„Доколку институцијата која треба да го спроведе пописот, на само два месеци пред неговото одржување, не може да зазема конечен став во однос на истиот, тогаш како да очекуваме сериозност и професионалност“,

се посочува во соопштението на ВМРО-ДПМНЕ.

Симовски: Пописот е општествено-корисна акција, негово бојкотирање е на штета на сите