Советот на министри на БиХ донесе одлука 2 јануари да биде прогласен за Ден на жалост поради трагедијата во Трибистово, во општина Посушје, каде починаа осум млади лица на новогодишната ноќ.
Неофицијално, осумтемина починати се четири момчиња и четири девојки од 18 до 19 години, а се претпоставува дека се задушиле со плин од агрегат кој ја снабдувал куќата со електрична енергија.
Претседавачот со Советот на министри на БиХ, Зоран Тегелтија, испрати телеграма со сочувство до семејствата на жртвите.
„Со голема тага ја примив веста за загубата на млади животи во несреќа за време на новогодишната ноќ во Посушје. Во име на Советот на министри и од мое лично име, Ви изразувам длабоко сочувство. Во овие тешки моменти, нашите мисли се со вас“,
се вели во телеграмата.