Од опозициската партија, во соопштението, се повикуваат на вест објавена во некои медиуми
Дали е точно дека во вчерашниот инцидент во угостителски објект во Кисела Вода учествувал Филип Андонов викан Сокол, кој од неодамна е директор на Истражниот затвор во Скопје, а претходно беше советник на премиерот Зоран Заев, прашуваат денеска преку соопштение од опозициската ВМРО-ДПМНЕ.
Од партијата се повикуваат на информацијата објавена вчера во некои медиуми дека по завршувањето на работното време на угостителските објекти во Кисела Вода дошло до инцидент каде вербално, со пцости и вулгарности се нападнати полицајци кои предупредиле за забраната за групирање.
„Меѓу оние во групата која се конфронтирала со полицијата беше пренесено дека е и омилениот екссоветник на Заев, а сега директор на истражниот затвор Шутка Филип Андов Сокол“,
велат од ВМРО-ДПМНЕ и прашуваат зошто само за екссоветникот на Заев полицијата не поднела пријава.