Филтрацијата во судството започна. Ја поздравувам последната одлука на Судскиот совет за разрешување на судии кои ја попречувале правдата, напиша министерот за правда Бојан Маричиќ на Фејсбук, откако Советот разреши двајца судии од Основнот суд Охрид поради несовесно работење.
„Само на овој начин ќе се врати довербата во системот. На нашите граѓани им ветивме правда и правда ќе има“,
напиша Маричиќ.
Судскиот совет денеска ја разреши судијката Весна Кичеец поради несовесно и нестручно постапување во судскиот процес за убиството на охриѓанецот Димитар Матилоски од 2016 година, а неофицијално, разрешен е и пензионираниот судија Трајче Скрчески од Основниот суд Охрид.
Кичеец најави жалба против разрешувањето.