„Фајзер“ и „Модерна“ почнаа да ги тестираат своите вакцини против ковид-19 на новата мутација на коронавирусот што брзо се шири во Велика Британија, јави денеска Си-ен-ен.
„Модерна“ очекува дека нејзината вакцина ќе ги заштити луѓето од новата варијанта на вирусот и ќе изврши повеќе тестови со цел да го потврди тоа во наредните недели, се наведува во соопштението на компанијата проследено до Си-ен-ен.
„Фајзер“ соопшти дека генерира податоци за тоа колку примероците од крв од имунизираните луѓе со неговата вакцина можат добро да го неутрализираат новиот вид од Велика Британија, се наведува во извештајот.
Откривањето на новата варијанта на коронавирусот предизвика нов бран паника, пред сѐ затоа што се пренесува побрзо за 40-70 проценти.
Истражувачите наведуваат дека нема докази дека вакцините од „Фајзер“ и „Бионтек“ или другите производители нема да ги заштитат луѓето од новата варијанта на коронавирусот.