Ако Заев ја избрише, Мицкоски би ја вратил на спомениците од НОВ придавката „бугарски“

Опозицискиот лидер му реплицира повторно на премиерот во врска со недоразбирањата на релација Скопје – Софија

Враќање на таблите „кои ја рефлектираат вистинската историска вистина“, а кои актуелната Влада би ги сменила, најавува опозицискиот лидер Христијан Мицкоски, доколку дојде на власт. Тој алудира на изјава на премиерот Зоран Заев дека е подготвен од спомен-плочите да се повлече „бугарски“ и да стои само „фашистички окупатор“.

ВМРО-ДПМНЕ: Ако Заев ја брише придавката „бугарски“ од спомениците, значи е подготвен за ретуширање на историјата

„А јас сум подготвен, веднаш откако ќе те поразиме со народот, да ги исправиме сите твои историски и противзаконски грешки.Враќањето на таблите кои ја рефлектираат вистинската историска вистина, а Заев ќе ги смени, ќе биде меѓу првите грешки што ќе ги исправиме“,

напиша денеска Мицкоски на фејсбук.

Заев до Борисов: Да имаме предвид што правиме со историјата што ја пишуваме сега

Историски факт е дека бугарските власти биле сојузници на Хитлер, ама тоа не значи дека Бугарите треба да бидат нарекувани фашисти, вели Каракачанов