Гласањето на предвремени избори за градоначалници во Штип и Пласница досега се одвива без никакви проблеми, соопштија од Државната изборна комисија (ДИК).
Според податоците, до 11 часот во Општина Штип гласале 3 561 лице што значи дека излезноста е 8,52%.
Во Пласница, пак, гласале 650 жители и излезноста е 13,12%.
Вкупно, во Штип право на глас имаат 41 777 гласачи, а во Пласница 4 954.
На денешното гласање потребно е да излезат една третина од вкупниот број гласачи на избирачкиот список, а ќе победи оној кандидат кој освоил мнозинство од гласовите на избирачите кои гласале. Според Изборниот законик, ако во првиот круг ниту еден кандидат не го добил потребното мнозинство, во вториот ќе се гласа за двајцата кандидати кои добиле најмногу гласови. Ако има потреба, втор круг за овие предвремени избори ќе се одржи на 27 декември.