Вредноста на синидикалната минимална кошничка, што ја пресметува ССМ, за октомври 2026 година изнесува 70 358 денари, што е за 926 денари повеќе во споредба со септември, кога изнесувала 69 432 денари, но, истовремено е и за речиси 4 000 денари повисока споредено со онаа пресметана на почетокот на годината
Според пресметката на ССМ, само за храна и пијалаци на едно просечно семјество месецов му биле потребни 124 денари повеќе од една минимална плата, која во моментов изнесува 26 046 денари
Сојузот на синдикатите на Македонија (ССМ) денеска ги објави податоците за синдикалната минимална кошница за октомври, а бројките покажуваат дека таа е за речиси илјада денари повисока во споредба за претходниот месец – септември.
Имено, вредноста на синидикалната минимална кошница, што ја пресметува ССМ, за октомври 2026 година изнесува 70 358 денари. Ова значи дека на едно четиричлено семејство месецов што истекува му биле потребни речиси 71 000 денари за да ги покриени основните животни трошоци – храна и пијалаци, облека, обувки, станарина, комунални трошоци, лична хигиена, здравје, транспорт, комунакции, рекреација и култура, образование…
Според ССМ, ова значи дека синдикалната минимална кошница е зголемена за 926 денари во споредба со септемри, кога изнесувала 69 432 денари, но истовремено е за речиси 4 000 денари повисока споредено со онаа пресметана на почетокот на годината.
Гледано по ставки, најголем дел од примањата едно четиричлено семејство мора да издвои за храна и пијалаци, кои опфаќаат 37 проценти од вкупната структура на минималната кошничка за отковмри, односно 26 170 денари.
Според пресметката на ССМ, само за храна и пијалаци на едно просечно семјество месецов му биле потребни 124 денари повеќе од една минимална плата, која во моментов изнесува 26 046 денари.
„Со други зборови, една минимална плата веќе не е доволна ниту за да се купи храната и пијалаците потребни за едно четиричлено семејство во текот на еден месец. А каде се сметките за струја, вода, греење, превоз, облека, лекови и сите останати неопходни трошоци?“,
велат од ССМ.
Што се однесува до останатите ставки, по храната и пијалаците следуваат трошоците за образование, за што едно нпросечно семејство со четири члена издвојува 7 192 денари, што е 10,9 отсто од вкупната синдикална минимална кошничка. Потоа се трошоците за облека и обувки (6 749 денари), за станарина, вода, електична енергија и греење (6 379 денари) за реакреација и култура (5 592 денари), транспорт (5 468), а за лична хигиена и хигиена во домот се потребни 2 699 денари, за здравје 1 201, за ставката комуникации (интернет, телефонија) – 3 677 и за ресторани и хотели – 4 131 денари. За останати стоки и услуги во синдикалната кошничка се пресметани 1 100 денари.
Според Сојузот на синдикатите на Македонија, она што состојбата со висината на минималната потрошувачка кочничка ја прави поалармантна е споредбата на нејзината вредност пресметана во октомври со онаа во јануари оваа година.
Во јануари 2026 година, таа изнесувала 66 413 денари, од кои 24 211 денари биле потребни за храна и пијалаци. Во октомври, споредено со јануари, вредноста на кошницата е повисока за 3 945 денари.
Од ССМ велат дека една просечна и една минимална плата едвај се доволни за покривање на вредноста на синдикалната минимална кошница. Имено, и кога во едно семејство има двајца вработени, од кои едниот прима просечна, а другиот минимална плата, речиси целиот нивен заеднички приход оди за покривање на основните месечни потреби.