Во земјава вкупно во болниците се наоѓаат 678 лица позитивни или суспектни на коронавирус
113 се на кислородна поддршка, а двајца на респиратор
На Инфективната клиника во изминативе 24 часа примени се 10 пациенти, со што вкупниот број таму е 158 пациенти. На кислородна поддршка се 113 пациенти, нема пациенти на механичка вентилација.
Во болницата во Козле хоспитализирани се 6 позитивни и 6 суспектни деца на ковид-19 и 18 возрасни пациенти, позитивни и суспектни на вирусот.
Во ГОБ „8 Септември“ има 11 приеми, а вкупно хоспитализирани се 57 пациенти. На респиратор се 2 пациенти.
Во болницата во Битола се хоспитализирани 67, а во болницата во Штип се 51 пациент. На инфективните одделенија во Тетово, Охрид, Велес, Куманово, Прилеп, Гостивар, Струмица, Струга, Кочани, Гевгелија, Дебар, Кичево и Кавадарци се хоспитализирани 315 позитивни и сомнителни на ковид-19.
Вкупниот број на лица со ковид кои се на болничко лекување во земјава е 678. Од нив 113 се на кислородна поддршка, а двајца на респиратор.