Актуелниот премеиер Зоран Заев по се изгледа нема да биде и нов министер за финансии. Ваквиот развој на настаните е се поизвесен, откако Државната комисија за борба против корупцијата пред малку го извести Претседателот на Собранието дека функциите Претседател на Владата и министер се неспојливи.
ДКСК пред се се повикува на член 44, став 1 и став 2 од Законот за спречување на корупцијата и судирот на интереси, каде се вели:
(1) Избрано или именувано лице за време на траењето на неговиот мандат е должно да ги почитува правилата за неспоивост на функција која ја врши со други функции или дејности утврдени во Уставот и законите.
(2) Функцијата претседател на Републиката, претседател на Владата на Република Македонија, министер, пратеник, член на совет, градоначалник, судија, јавен обвинител, јавен правобранител, народен правобранител и други функции кои ги избира или именува Собранието на Република Македонија, Владата на Република Македонија или органите на локалната самоуправа се неспојливи една со друга.