„Особено е критично ова да се случи побрзо, бидејќи сме во чувствителен предизборен период. Ова е суштински да се одвратат потенцијалните идни сторители на повреди на правата на медиумските работници, а со тоа да се заштити слободата на изразуцвање“,се вели во соопштението на ЗНМ и на ССНМ
Здружението на новинарите на Македонија (ЗНМ) и Самостојниот синдикат на новнари и медиумски работници (ССНМ) ќе поднесат формална претставка до Секторот за внатрешна контрола, криминалистички истраги и професионални стандарди на Министерството за внтарешни работи (МВР) за апсењето на новинарот Фуркан Салиу.
Во претставката се истакнуваат повредите на правата на новинарот во три главни точки, како непрофесионално однесување и употреба на прекумерна сила при лишување од слобода од страна на службени лица, поткрепени со материјални докази, приунидно брушење на видео материјали од новинари поврзани со инцидентот, спротивно на законот, постапка која е недозволива и отвара многу прашања поврзани со инцидентот и потенцијалната потреба да биде нешто скриено од јавноста и незаконски претрес на приватно моторно возило.
Од ЗНМ и ССНМ бараат внатрешна контрола да ги испита овие наводи, а Министерството за внатрешни работи (МВР) да преземе соодветни чекори против инволвираните службеници за време на целиот инцидент.
„Особено е критично ова да се случи побрзо, бидејќи сме во чувствителен предизборен период. Ова е суштински да се одвратат потенцијалните идни сторители на повреди на правата на медиумските работници, а со тоа да се заштити слободата на изразуцвање“,
се вели во соопштението од ЗНМ и ССНМ.
Оттаму велат дека лишување од слобода на новинари, особено кога тоа се случува при извршување на нивните професионални обврски е дозоволива мерка, посебно во услови кога има индиции дека се прават неколку пропусти при вршење на истата. Потребно е полицијата строго да ги следи утврдените процедури и законот во овие случаи со цел да се спречи каква било повреда на правата на новинарите.
Новинарот Фуркан Салиу вчера беше уапсен за време на инциденти на фудбалски натпревар, а доцна синоќа излезе од полициска станица.
Салиу денеска најави дека утре преку адвокат ќе поднесе приговор до Внатрешна контрола на Министерството за внатрешни работи (МВР) за постапувањето на полицијата, особено како шро вели, во делот на претрес на неговото приватно возило, без негово присуство и без судски налог.
„Како знаеле дека тоа возило е мое? Веројатно имале информации дека поседувам пиштол и дека речиси секој викенд одам на стрелиште. Докази за тоа можат да најдат во стрелиштето, каде се запишува секој кој таму оди, односно пред да пукаш се запишуваш. Тоа го искористија за да ми вратат за прилозите кои ги објавив на ‘Портал Икс’ деновиве“,
рече тој.
Министерот за внатрешни работи Панче Тошковски по работната посета на полициската станица во Шуто Оризари изјави дека е факт оти вчерашниот фудбалски натпревар во Средно Коњари бил од висок ризик и поради тоа имало припадници на интервентната полиција и на ЕБР, факт е дека приведените лица имале физички контакт со полицајците и дека кај приведениот новинар Фуркан Салиу е пронајдено оружје во возилото.
Исто така, додаде тој, факт е дека во возило во сопственост на еден од приведените е пронајдено огнено оружје – пиштол при преглед од страна на овластените службени лица, кој е со дозвола во однос на имателот, но таа дозвола во никој случај не може да амнестира прекршочно дело.