Според полициската управа Добој, Ханифа М. била уапсена во понеделникот поради сомнение дека сторила кривично дело убиство
Полицијата во Добој ја уапси Х.М. од тој град поради сомнение дека го убила сопругот Х.М. во семејниот дом, пишува „Независне новине“.
Според неофицијални информации, Ханифа М. (59) со кујнски нож го прободела својот сопруг Хасан М. (55) во надлактицата, а тој искрвавил до смрт.
На убиството му претходела расправија.
Откако искрвавил, таа ја исчистила куќата, го преоблекла сопругот и поставила нови теписи. Потоа повикала полиција и им рекла дека се скарала со сопругот и дека тој сам си ги нанел повредите од кои починал.
Како што се дознава, полицијата ги пронашла крвавите теписи.
Според полициската управа Добој, Ханифа М. била уапсена во понеделникот поради сомнение дека сторила кривично дело убиство.
„Постои сомнение дека наведеното лице истиот ден во семејниот дом му го одзела животот на сопругот Х.М., по што таа го променила местото на убиството и потоа побарала интервенција на полициски службеници“,
наведуваат од полицијата.