Како што напишаа студентите на социјалните мрежи, утринава на блокадата немало доволно присутни за посериозно да и се спротивстават на полицијата, па ги поканија сите што можат да дојдат до зградата на РТС на улицата Таковска
Од српското Министерство за внатрешни работи (МУП) преку соопштение велат дека утринава упатиле предупредувања и наредби за насобраните студенти и граѓани да дозволат поминување на службени возила, но толпата одбила да го стори тоа
Студенти и граѓани во Белград и денеска ја блокираат зградата на Радио-телевизија Србија (РТС) во Белград. Како што објавија студентите на социјалните мрежи, полицијата утринава успеала да ги внесе вработените во зградата на јавниот сервис, но дошло до туркање со студентите.
Како што напишаа студентите на социјалните мрежи, утринава на блокадата немало доволно присутни за посериозно да и се спротивстават на полицијата, па ги поканија сите што можат да дојдат до зградата на РТС на улицата Таковска.
„Бидејќи бевме малкумина, не блокираа и лесно нè разделија, па ги внесоа работниците во РТС. Потоа ги блокиравме нивните две возила и сообраќајот, па дојдоа жандармите и не опколија. Потоа имаше туркање до аголот на Таковска и сега стоиме меѓу два кордони“,
пишуваат студентите на социјалните мрежи.
Ukratko, pošto nas je bilo malo, blokirali su nas i razmakli lako, pa ubacili radnike u RTS. Posle smo blokirali njihova 2 vozila i saobraćaj, pa su dosli zandarmi i opkolili nas dok opkoljavamo njihove.
— Sophie (@SophieMarbell) April 16, 2025
Onda je bilo guranje do ugla s Takovskom i tu sad stojimo izmedju 2 kordona. pic.twitter.com/lNe1bJzBLj
Насобраните скандираат „народна полиција“ и ги држат рацете нагоре како знак дека сакаат мирен протест.
Од српското Министерство за внатрешни работи (МУП) преку соопштение велат дека утринава упатиле предупредувања и наредби за насобраните студенти и граѓани да дозволат поминување на службени возила, но толпата одбила да го стори тоа.
Policija se povukla #rtsblokada se nastavlja pic.twitter.com/VWpkMFDQEm
— Dobar Loš Vučić (@asomakumbrother) April 16, 2025
„Утрово околу пет часот на улицата Таковска пред зградата на РТС, додека полицијата ги воведуваше работниците на РТС на безбедно работење, насобраните граѓани кои веќе неколку дена ја блокираа зградата на РТС ги опколија и блокираа службените возила на МУП во обид да ги спречат полициските службеници да ги изнесат возилата од тој простор“,
соопшти полицијата.
Оттаму додаваат дека во ниту еден момент не употребиле сила, туку се обидувале да се договорат со толпата да се тргнат настрана за полициските возила да ја напуштат областа.
„Бидејќи и покрај тоа, толпата не го расчисти преминот за службени возила, полицијата примени службени средства на потиснување на топлата на едната и на другата страна за да се расчисти преминот за возилата“,
се додава во соопштението.
Оттаму додаваат дека учесниците на собирот дале интензивен отпор навредувајќи ги полициските службеници и дека во таа пригода еден полициски службеник се здобил со повреда на скочниот зглоб, по што Итната помош го пренела во здравствена установа.