Зголемен број заразени во градови каде што го има британскиот сој – Филипче ги посочи Кавадарци, Прилеп и Охрид

Причина смета дека се одредени настани и прослави и потенцира декаслучаите се од различни возрасти, а не само млади лица

Евидентно е зголемување на бројот на заразени со корнавирус во изминатиот период и тоа онаму каде што е детектирана новата британска мутација, соопшти денеска министерот за здравство Венко Филипче.

Зголемувањето е за 20 % до 50%, за последните два дена, а како причина смета дека се одредеи настани и прослави и потенцира дека заразените се од различна возраст, а не само млади лица.

Како места каде има зголемен број на хоспитализации ги посочи Прилеп, Охрид и Кавадарци, при што во првите два града зголемувањето е благо, а во Кавадарци е нешто повеќе.

Ковид-19 во 24 часа: Десет лица починаа, нови 449 заразени со коронавирус

Тој денеска од Велес, каде беше во посета на модуларната болница, порача дека бројките се следат и се надева дека овој тренд нема да трае долго.

„На ниво на цела држава зголемувањето на хоспитализации е за околу 60 лица повеќе во споредба со претходниот месец“,

рече Филипче додавајќи дека тоа не е параметар што би довел до воведување поригорозни мерки.  

Дневна состојба од ковид-центрите: На болничко лекување се 622 лица, од кои над една третина се во Скопје