Украинскиот лидер не сподели со кои официјални лица планира да се сретне, но извор во Турција денеска изјави дека специјалниот американски пратеник Стив Виткоф ќе ја посети Турција во среда и ќе се придружи на планираните разговори со украинскиот претседател
Украинскиот претседател Володимир Зеленски денеска објави дека утре ќе отпатува во Турција за да се обиде да ги оживее мировните преговори и да ја обнови размената на затвореници со Русија.
„Утре ќе одржам состаноци во Турција. Се подготвуваме да ги обновиме преговорите и развивме решенија што ќе им ги предложиме на нашите партнери. Исто така, работиме на продолжување на размената на затвореници и враќање на нашите затвореници дома“,
објави тој на социјалните мрежи.
Today, I am holding meetings in Spain that we have been preparing for quite some time. We expect that another strong country will increase its support – helping us protect lives and bring the end of the war closer. We are working to ensure that the meeting with Prime Minister…
— Volodymyr Zelenskyy / Володимир Зеленський (@ZelenskyyUa) November 18, 2025
Украинскиот лидер не сподели со кои официјални лица планира да се сретне, но извор во Турција денеска изјави дека специјалниот американски пратеник Стив Виткоф ќе ја посети Турција во среда и ќе се придружи на планираните разговори со украинскиот претседател.
Русија сè уште не одговорила на најавата на украинскиот претседател. Во Истанбул се одржаа неколку рунди разговори во обид да се стави крај на руската инвазија на Украина, која започна во 2022 година, но разговорите досега не донесоа никаков значаен напредок.
Размена на затвореници и репатријација на останките се единствените конкретни резултати од овие разговори. Последната размена на затвореници беше во октомври. Ставовите на двете страни за условите за мир, прекин на огнот, па дури и средба меѓу претседателите на завојуваните страни остануваат дијаметрално спротивни.
Володимир Зеленски од вчера е на турнеја низ европските земји за да побара поголема поддршка од своите сојузници додека Русија ја бомбардира украинската енергетска инфраструктура пред зимата. Тој треба да се сретне со шпанскиот премиер Педро Санчез и кралот Фелипе VI денес, еден ден по посетата на Франција.