Од вкупниот број, Скопје со 65 заразени е на врвот на листата, по што следува Дебар со 39 случаи, па Штип со 7
Во изминатото деноноќие се регистрирани 29 нови случаи на коронавирус во земјата, соопшти Министерството за здравство. Со ова бројката на дијагностицирани пациенти со КОВИД-19 денеска до 12.00 часот изнесува 114. По градови: Скопје (22), Штип (3), Дебар (2), Куманово (1) и Охрид (1).
Според местото на живеење, досега случаи на КОВИД-19 се регистрирани во: Скопје (65), Дебар (36), Штип (7), Кавадарци (2), Охрид (2), Гостивар (1), Куманово (1).
На Клиниката за инфективни болести и фебрилни состојби во моментов се хоспитализирани 24 пациенти. 7 пациенти се континуирано на третман со кислород, 11 се веќе во стабилна – добра здравствена состојба. Утре, по истекот на 14 дена од поставување дијагноза, кај 6 пациенти ќе се зема контролен брис. Од нив 5 се во добра состојба, а кај пациентката кај која имаше влошување, нема промена на состојбата и таа се уште е на респираторна машина. Пациенти кои се на домашно лекување се во постојан контакт со лекарите, велат од Министерството за здравство.
