Преговорите за прекин на огнот започнаа во неделата, а се сметаат за последна пречка на патот кон обезбедување на првиот продолжен прекин на огнот од петмесечната војна, навреме за муслиманскиот пост за Рамазан, кој започнува на 10 март
Преговорите за прекин на огнот меѓу Хамас и медијаторите прекинаа денеска во Каиро без никаков постигнат резултат, иако останаа само неколку дена да се прекинат борбите пред почетокот на светиот месец за муслиманите – Рамазан, пренесува британски „Гардијан“.
Високиот функционер на Хамас, Басем Наим, изјавил дека екстремистичката организација го претставила својот предлог-договор за прекин на огнот на посредниците, како и дека сега чекаат одговор од Израелците.
„Нетанјаху не сака да се постигне договор. Сега топката е на теренот на Америка со цел да изврши притисок врз него“,
рече Наим.
Израел одбил јавно да ги коментира разговорите во Каиро.
Но, официјалните лица рекоа дека Израел не испратил делегација на разговорите во Каиро бидејќи бараат Хамас да претстави список од 40 заложници кои ќе бидат првите што ќе бидат ослободени како дел од примирјето што првично е планирано да трае трае шест недели.
Хамас, пак, бара да се дозволи голема хуманитарна помош во Газа и да им се дозволи на Палестинците кои се раселени на северот на крајбрежниот појас да се вратат во своите домови.
Преговорите за прекин на огнот започнаа во неделата, а се сметаат за последна пречка на патот кон обезбедување на првиот продолжен прекин на огнот од петмесечната војна, навреме за муслиманскиот пост за Рамазан, кој започнува на 10 март.
Според Министерството за здравство на Газа контролирано до Хамас, бројот на загинати во Газа достигнал 30 631 лица. Во изминативе 24 часа загинале 97 Палестинци, а 123 се повредени. Повеќето од жртвите се жени и деца, соопшти Министерството, а уште илјадници тела веројатно ќе останат неизброени под урнатините низ Газа.