Заврши идентификацијата на сите 45 жртви од автобуската несреќа во Бугарија

Вчера заврши и транспортот на сите седум повредени патници, од кои шест се наши, а еден српски државјанин

Заменик-главниот обвинител и директор на Националната истражна служба во Бугарија, Борислав Сарафов за БТА изјави дека веќе се идентификувани сите 45 жртви од автобусот што се запали на автопатот „Струма“. Нивната идентификација е направена со ДНК профили.

Вчера, како што рече тој, со указ на јавниот обвинител, дадено е одобрение посмртните останки на жртвите да им бидат предадени на претставници на Владата на Северна Македонија за транспорт и трансфер на нивните роднини.

Телата, како што беше најадено претходно, денеска со бугарски авион треба да бидат пренесени во земјава. Од Меѓународниот аеродром преку државен протокол ќе им предадени на семејствата.

Телата на загинатите во автобуската несреќа во петок ќе бидат пренесени во Скопје

Вчера заврши и транспортот на сите седум повредени патници, од кои шест се наши, а еден српски државјанин.

Несреќата во која загинаа 45, а седум лица беа повредени се случи во раните утрински часови на 23 ноември кога тие со автобус на агенцијата „Беса транс“, преку Бугарија, се враќаа од тура во Истанбул.

И последниот повреден во автобуската несреќа во Бугарија отпуштен од софиската болница