Засега има од каде да се набават заштитни маски, но доколку има потреба, во соработка со бизнис-секторот, заеднички ќе излеземе со решение, изјави денеска вицепремиерката за економски прашања Мила Царовска одговарајќи на новинарско прашање дека како влада може да ѝ наложат на некоја компанија да произведува маски.
„Сметам дека бизнис-секторот се става на располагање во оваа криза и јас сум навистина многу среќна затоа што сами пристапуваат и ги нудат своите капацитети. Сигурна сум дека некој од нив истото ќе го предложи и заеднички ќе излеземе со понуда доколку има потреба од такво нешто“, рече Царовска.