Гералд Кнаус од ЕСИ и Флориан Бибер од Универзитетот во Грац, преку Твитер, реагираат во врска со наводите на бугарската шефица на дипломатијата дека С Македонија треба да признае дека македонските јазик и идентитет се со бугарски корени
Замислете Германија да инсистира дека Австрија треба да признае германските корени, заканувајќи се со тензии ако не го направи тоа! Со ваков коментар на Твитер се јави Гералд Кнаус од Европската иницијатива за стабилност, коментирајќи ја најновата изјава на шефицата на бугарската дипломатија Екатерина Захариева – дека С Македонија треба да ја признае „историската вистина“, односно дека македонските јазик и идентитет се со бугарски корени.
„Замислете Шведска да ѝ го прави тоа на Норвешка. Чесите ова да им го кажат на Словаците. Апсурдно? Да! Тоа е она што го прави Бугарија, уривајќи го кредибилитетот на политиките на ЕУ за Балканот“,
пишува Кнаус.
Imagine ?? insisting that „Austria acknowledges German roots“, threatening „tensions“ if it doesn‘t. Sweden doing this to Norway. Czechs telling this to Slovaks.
— Gerald Knaus (@rumeliobserver) October 31, 2020
Absurd? Yes.
This is what ?? is doing, demolishing credibility of EU Balkan policy. @Andric1961 @ecfr @MiRo_SPD https://t.co/4ctTq7Whcx
И Флориан Бибер, професор на Универзитетот во Грац и добар познавач на состојбите на Балканот, реагираше на последната изјава на Захариева за Ројтерс.
„Ернест Ренан го знаеше тоа подобро: Постоењето на нација е секојдневен референдум, исто како што постојаното постоење на индивидуа е вечна афирмација на животот“,
напиша Бибер на Твитер.
Ernest Renan knew it better: The existence of a nation is a daily referendum, just as the continuing existence of an individual is a perpetual affirmation of life. https://t.co/AVFsuhZRcZ
— Florian Bieber (@fbieber) October 31, 2020
Нашата загриженост е поврзана со постојаните тврдења на С Македонија кон македонско малцинство во нашата земја. Ако тие ги препознаат корените на нивната нација и јазик, ова ќе заврши“,
изјави Захариева за Ројтерс.
Никој од Владата не се јави досега со реакција за изјавата на шефицата на бугарската дипломатија, откако и бриселски „Политико“ пред неколку дена кусо објави дека е на повидок наводен „бугарски компромис“, со цел С Македонија да ги почне преговорите за членство со ЕУ.
Лидерот на ВМРО-ДПМНЕ, пак, кусо коментираше дека инсистирањата на Бугарија за признавање „историска вистина“ се политика, а дека Заев не се залага да ја презентира и „нашата вистина“.