Заев и Кривокапиќ изразиле заложби за искористување на сите можности за интензивирање на економската соработка и за олеснување на регионалната мобилност на граѓаните, услугите и стоките
Премиерот на Северна Македонија Зоран Заев ја заврши работната агенда од Самитот на Западен Балкан во Виена со билатерална средба со црногорскиот премиер Здравко Кривокапиќ, кој дојде на функцијата кон крајот на минатата година.
Двајцата премиери, како што соопштија од Владата, ги потенцирале извонредното пријателство меѓу двете земји и подготвеноста за безрезервна меѓусебна поддршка на сите полиња кои се од интерес на народите во Црна Гора и во Северна Македонија.
Заев и Кривокапиќ изразиле заложби за искористување на сите можности за интензивирање на економската соработка и за олеснување на регионалната мобилност на граѓаните, услугите и стоките.
На средбата се разговарало и за меѓусебно искористување на искуствата во секторските области од работата на Владите и институциите со цел обезбедување најбрзи и најефикасни услуги за граѓаните.