Премиерот Зоран Заев на 8 октомври ќе го посети седиштето на НАТО во Брисел каде ќе има средба со генералниот секретар на Северноатлантската алијанса Јенс Столтенберг, најавија од прес-службата на НАТО.
Заедно со Заев во Брисел ќе патуваат и министерката за одбрана Радмила Шекеринска и министерот за надворешни работи Бујар Османи.
По средбите, предвидено е во попладневните часови Заев и Столтенберг да одржат и прес-конференција.
Ова ќе биде прво патување на Заев во Брисел по изборот на новата влада.