Основното јавно обвинителство Скопје до Кривичниот суд достави предлог за одредување парична казна од 2 000 евра за едно лице кое не ја почитувало задолжителната мерка за самоизолација, што е кривично дело казниво по член 206 од КЗ за непостапување според здравствените прописи за време на епидемија.
Како што соопштија од Обвинителството, 33-годишно лице, кое на 12 март се вратило во земјава по престој во Франција како високоризична земја за ширење на коронавирусот и потпишал изјава дека ќе се самоизолира во период од 14 дена, на 21 март, не било пронајдено во неговиот дом.
Обвинителството предлага судот да му изрече парична казна во висина од 100 дневни глоби со висина на дневна глоба од 20 евра во денарска противвредност.