За некои опозициски политичари допрва доаѓаат проблеми поради злоупотребите од минатото, вели Мицкоски

Изјавата Мицкоски ја даде како одговор на новинарско прашање околу барањето на Демократската унија за интеграција (ДУИ) за предвремени парламентарни избори заедно со локалните идната година

Премиерот Христијан Мицкоски вели дека има разбирање за политичарите во опозиција оти се нетрпеливи и што мислат дека со предвремени избори ќе ги решат проблемите.

Но, тој додава дека за некои опозициски политичари допрва доаѓаат проблемите кои се поврзани со големи злоупотреби што се правени во минатото.

„Сум го кажал ставот по ова прашање. Ги разбирам политичарите во опозиција дека се нестрпливи и дека мислат дека со предвремени избори ќе ги решат проблемите. Имам чувство дека за некои опозициски политичари допрва доаѓаат проблемите кои се поврзани со големи злоупотреби што се правени во минатото“,

рече тој.

Изјавата Мицкоски ја даде како одговор на новинарско прашање околу барањето на Демократската унија за интеграција (ДУИ) за предвремени парламентарни избори заедно со локалните идната година. Таков предлог прво даде Мицкоски од собраниската говорница на седницата за пратенички прашања упатувајќи го кон лидерот на СДСМ, Венко Филипче.

Ахмети за предлогот на Мицкоски за предвремени избори: Се гледаме во октомври, подготви се добро

Но, премиерот во следните денови ретерираше од оваа најава со образложение дека тоа е голем трошок за државата.

Тој посочи дека кампања за локалните избори ќе има за десетина месеци, па тогаш ќе се види кој до каде е.

СДСМ и ДУИ прво да се покажат на локалните избори, па ќе видиме дали има потреба од предвремени парламентарни избори, вели Мицкоски