-Нашата цел е тој да биде и нов премиер на Македонија, вели градоначалникот на општина Аеродром, Тимчо Муцунски, во изјава за телевизија 24
Доколку секојдневно ги следиме изјавите во јавноста, гледаме дека ова мнозинство е сè, само не силно, ова мнозинство кое го има власта е мнозинство кое се базира на тесни интереси или интереси на партијата и поединци. ВМРО-ДПМНЕ не функционира така, рече Тимчо Муцунски, градоначалник на општина Аеродром во вклучување во централните вести на телевизија 24.
„Постулатите на ВМРО-ДПМНЕ за следните 4 годони се посветеност во борбата против корупцијата, èе до интеграција во ЕУ. Принцип на владеење ќе биде решавање на проблемите на граѓаните, а не тесно политичките интереси. Само така може да се стабилизира Македонија“,
рече Муцунски.
Според него, логично е што единствен кандидат за претседател на партијата е Христијан Мицкоски.
„Апсолутната доверба што членството ја дава кон претседателот Мицкоски е затоа што одличниот резултат на локалните избори почна од Мицкоски и нашата цел е тој да биде и нов премиер на Македонија“,
кажа Муцунски укажувајќи дека Мицкоски недвосмислено ја заслужува довербата.
Муцунски посочи дека во иднина во партијата ќе има кадри кои имаат искуство во својата професија, дека ќе има спој на различни возрасти и слично.
„Важно е да ги имаме најквалитетните кадри. Ние сме подготвени да даваме активен придонес и тоа сите, позицијата која ќе ја имаме како поединци и не е толку важна. Ние повикуваме на масовно обединување во опозициски блок кој ќе ја преземе власта бидејќи истиот има јасна политичка визија“,
вели Муцунски.
Христијан Мицкоски е пред реизбор на чело на ВМРО-ДПМНЕ, на денешниот партиски изборен конгрес во салата „Јане Сандански“ во Скопје.
Мицкоски е третиот на чело на ВМРО-ДПМНЕ, по Љубчо Георгиевски и Никола Груевски.