Во Скопје, времето денеска, ќе биде претежно сончево со мала локална облачност и тивко. Температурата ќе биде од минус 2 степени наутро до 16 Целзиусови степени во текот на денот
Времето денеска ќе биде сончево и натпросечно топло со мала локална облачност, се вели во прогнозата на Управата за хидрометеоролошки работи (УХМР). Во текот на денот ќе дува и слаб ветер претежно од југозападен правец. Утринската температура ќе биде во интервал од минус 3 до 3 степени, а во текот на денот ќе се искачи од 12 до 21 Целзиусов степен.
Во Скопје, времето денеска, според прогнозата на УХМР, ќе биде претежно сончево со мала локална облачност и тивко. Температурата ќе биде од минус 2 степени наутро до 16 Целзиусови степени во текот на денот.
За утре синоптичарите најавуваат сончево и натпросечно топло време со мала до умерена локална облачност. Наутро, понекаде во котлините, ќе има појава на магла, а ќе дува и слаб ветер претежно од западен правец.
Во Скопје и утре времето ќе биде претежно сончево со мала до умерена локална облачност и тивко. Температурите утре, во текот на денот, ќе се искачат до 19 Целзиусови степени.