Попладне ќе има услови за изолирана нестабилност со краткотраен пороен дожд и грмежи, информира Управата за хидрометеоролошки работи
Инаку, силното невреме кое викендов ја зафати земјава, во повеќе градови резултираше со поплавени улици, оштетени автомобили, урнати дрвја, како и општетени земјоделски посеви
Времето денеска ќе биде сончево со мала до умерена облачност и слаб до умерен ветер од западен и северозападен правец. Попладне, пак, ќе има услови за изолирана нестабилност со краткотраен пороен дожд и грмежи, информира Управата за хидрометеоролошки работи (УХМР).
Максималите дневни температури ќе бидат во интервал од 24 до 31 степен, а УВ индексот ќе биде 8.
„Во Скопје ќе биде сончево со мала до умерена облачност и услови за изолирана нестабилност со дожд и грмежи попладне. Температурата ќе достигне до 28 степени“,
информира УХМР.
И во вторник во попладневните часови ќе има изолирана појава на краткотраен пороен дожд и грмежи.
Во наредните денови следува период на стабилно и топло време.
Инаку, силното невреме кое викендов ја зафати земјава, во повеќе градови резултираше со поплавени улици, оштетени автомобили, урнати дрвја, како и општетени земјоделски посеви.