За утре се најавува променливо облачно време со повремени локални врнежи од дожд, кои на некои места ќе бидат поројни, проследени со ретки грмежи, а ќе дува и слаб до умерен ветер од југоисточен правец
Времето денеска ќе биде променливо облачно со сончеви периоди. Во прогнозата од Управата за хидрометеоролошки работи (УХМР) се вели дека во попладневните часови се очекуваат локални врнежи од дожд и ретки грмежи. Ќе дува и слаб до умерен ветер од јужен и југоисточен правец. Утринската температура ќе биде од 5 до 11 Целзиусови степени, а во текот на денот од 14 до 25 степени.
Во Скопје, времето ќе биде променливо облачно со сончеви периоди, а попладне со повремен слаб дожд. Температурата ќе биде од 9 до 23 степени.
За утре се најавува променливо облачно време со повремени локални врнежи од дожд, кои на некои места ќе бидат поројни и проследени со ретки грмежи. Ќе дува слаб до умерен ветер од југоисточен правец.
И во Скопје утре времето ќе биде променливо облачно, попладне со повремено пороен дожд и грмежи. Температурата утре во текот на денот ќе биде од 12 до 23 степени.