Од утре следува период на тивко и релативно топло време
Времето денеска ќе биде сончево со мала до умерена облачност, соопшти Управата за хидрометеоролошки работи.
Претпладне по котлините вдолж Повардарието ќе има појава на слаба магла. Ќе дува умерен, а во западните делови повремено засилен ветер од северозападен правец. Во Скопје претпладне ќе има слаба магла, а во текот на денот ќе биде сончево со умерена облачност.
Минималната температура ќе биде во интервал од -3 до 3, а максималната ќе достигне од 7 до 14 степени.
Во Берово, Битола и Попова Шапка изутрина во 7 часот се измерени -4 степени, -3 Скопје – Петровец, Струмица и Прилеп, -2 Кавадарци, Штип, Гевгелија, Маврови Анови, Крушево и Лазарополе, -1 Крива Паланка, Тетово, Куманово, Демир Капија, Велес, 0 во Скопје – Зајчев Рид, Виница, Охрид и Дојран, и 1 степен во Претор и Дебар.
Снежна покривка од 38 сантиметри има на Маврови Анови, од 20 Крушево, 12 Попова шапка, а во Ѓуриште еден сантиметар.
Од недела следува период на тивко и релативно топло време, освен по котлините, каде ќе има појава на магла и дневните температури ќе бидат пониски.
