Минималните температури ќе се движат во интервал од -2 до 6 Целзиусови степени, а максималните ќе достигнат од 1 до 10 степени
Денеска во земја нè очекува постудено и променливо облачно време со повремени врнежи од дожд. Според Управата за хидрометеоролошки работи (УХМР), на планините и на некои повисоки места можни се и врнежи од снег. Ќе дува умерен, а вдолж Повардарието засилен ветер од северен правец.
Минималните температури ќе се движат во интервал од -2 до 6 Целзиусови степени, а максималните ќе достигнат од 1 до 10 степени.
Времето во Скопје ќе биде претежно облачно и постудено. УХМР најавува слаб дожд во претпладневните часови и засилен ветер од северен правец. Температурата во Скопскиот регион денеска ќе се движи во интервал од 3 до 7 Целзиусови степени.
Слично време УХМР најавува и за утре.