За утре се најавува студено утро и претежно сончево време во текот на денот
Утрото студено, а преку денот претежно сончево време најавува Управата за хидрометеоролошки работи (УХМР) за денешниот ден. По одделни котлини ќе има услови за појава на утринска магла или ниска облачност, а ќе дува и слаб ветер од јужен правец. Утринската температура ќе биде од минус 3 до 6 Целзиусови степени, а дневната ќе се движи од 15 до 23 степени.
По студеното утро, кога темпертурата ќе биде до 4 степени, во текот на денот во прогнозата од УХМР се најавува дека времето во Скопје ќе биде сончево со слаб променлив ветер. Дневната температура ќе се искачи до 20 степени.
За утре синоптичарите најавуваат студено утро и претежно сончево време во текот на денот. По одделни котлини се очекува појава на утринска магла или ниска облачност. Во текот на денот ќе дува и слаб ветер од јужен правец. Температурата утре ќе биде до 23 степени.